يوم التلات اللي فات كان يوم!!!!!!!!!!!!!!!!!!!!
ما يعلم بيه الا ربنا
بدا بالموجة الحاره
كان بجد حر موت
بس انتهي بخبر فرحني اوي
في اليوم ده كنت عماله اردد جمله واحدة :لماذا من حولك اغبياء؟
وده عنوان كتاب مش فاكرة اسم المؤلف ولا حتي قريته
كل اللي اعرفه عنه انه بيتكلم عن التواصل مع الاخرين
المهم نرجع ليوم التلات
في اليوم ده كان عندي محاضرة واحدة
والدكتور قلنا انها هتبقا الساعه 12
رحنا انا و صحباتي ندور علي القاعه
مقفوله؟؟؟؟؟؟؟؟؟؟؟؟؟؟؟؟؟؟؟؟؟
طب نروح للدكتور نساله
مش موجود!!!!!!!!!!!!!!!!!!!!!!!!!!!!!!!!!!!!!!!!!!!!!!!!
المهم خدنا المحاضرة من الساعه واحدة
الدكتور كان مبسوط علشان ده اخر اسبوع
و هيبقي فاضي بعد كدة
قعد يكلمنا عن الامتحان
وادانا خيارات في شكل الاسئله
و عمل تصويت و اللي تختاره الاغلبيه هيجي عليه الامتحان
اصله ديمقراطي حبتين
المهم الاغلبيه المتنوره بتاعت بلدنا اختارت
اللي هما شايفينه اسهل
بس هتطلع عنيهم في الاخر
المهم انا حسيت ان كل من حولي اغبياء علي راي الكتاب
هما اختاروا انهم يستريحوا في المذاكرة بس هيتعبوا في الامتحان
ويمكن ينجحوا او ..............................................
مع اني شايفه الخيار التاني اه كنا هنتعب شويه في المذاكرة
بس كان هيضملنا درجات اكتر في الامتحان
المهم ان اتحرق دمي و خرجت من المحاضرة متعصبه جدا
ومع الجو الحر الموضوع كان زايد اوي
المهم رحت المترو في طريقي للعوده لبيتي
المترو في اليوم ده كان عطلان وقاعدت ساعه الا ربع علشان اركب
وبعد تلت ساعات من نهايه المحاضرة وصلت بتنا
اخيييييييييييييييييرا
كنت تعبانه جدا وكنت مصدعة جدا جدا جدا
كنت كل اللي عايزاه اني اكل وانام
المهم اتغديت واخدت مسكن علشان الصداع وكنت خلاص قايمه انام
قام التليفون رن تررررررررررررن
تررررررررررررن
الووووووووووو
وجالي الخبر اللي فرحني ومنيمنيش غير الساعه اتناشر بالليل
الجمعة، 25 أبريل 2008
يوم عصيب
الأربعاء، 23 أبريل 2008
ما بعد الجايزة
المهم اخدنا الجايزة ولله الحمد
بس الدكتور بعدها كان مركز معانا بطريقه غبيه
من حقه بقا يعرف يطلعوا مين دوا اللي خدوا الجايزة
صحبتي في المحاضرة اللي كان مركز فيها ديه كانت قاعده تقول كلام غريب
حتي هي بعد المحاضرة
قالت اكيد اقتنع اني مجنونه
اما بقا اختكم فلانها لا تشارك في المحاضرات
والسبب الوحيد انها بتتكسف تتكلم قدام الناس
و بما انه كان مركز معانا قام خبطني سؤال
طبعا انا اسبهليت
وتنحت
و فضلت ادور علي حد تاني يقوم يرد
ولكن لا احد
فاقومت وعلي الرغم من اني كنت علي عارفه الاجابه
قلت كلمتين وكررت فيهم باشكال مختلفة
وبعدين قاعدت تاني
اعمل ايه يعني
منا مش كنت مستعديه
كان مفروض يقولي قبلها علشان استعد
واسلك الاحبال الصوتيه
واظبط الدنيا كدة
مش فاجاه كدة قومي قولي
هو ايه ده
ده مش عدل
وبعدين افرض انا مليش مزاج اجوب
يخليني اجوب غصب عني
المهم انا طبعا ولانني
حساااااااااااسه جدا جدا
وبتاثر بسرعة جدا
فضلت كام يوم بعدها متضيقه
يعني هو دلوقتي يقول عليا ايه
مش بذاكر
ولا مش فاهمه
بس برضوا هو اللي غلطان
الاثنين، 21 أبريل 2008
و اخدنا الجايزة
انا فرحانه اوي اوي
يا رب دايما علي طول مع ان الحكايه ديه
بقالها يجي اسبوعين بس انا لسه فرحانه برضوا
المهم اقولكم بقا علي الحكايه
زي ما قلت قبل كدة اني انا في الجامعه فكان عندنا دكتور طالب مننا شغل
كان عوزنا نعمل كومنتريو اللي هو التعليق علي النص بس كومنتريو ديه بالازباني(الاسباني بس ده اسم الدلع)
يعني كان جايبلنا شعر من ايام القرون الوسطي وكان عايزنا نشرحه ونطلع الصور الجماليه ونقول راينا فيه و نتكلم عن الكاتب
اهي ديه بقا اللي غيظاني
لان الكاتب مش معروف بس هو كان عايزنا نكتب النظريات اللي بتقول احتمال الكاتب ده يبقا مين
افتري بقا وكل ظالم ليه يوم
المهم قلنا اتقسموا مجموعات واعملوه مع بعض وانا واصحابي الاتنين قعدنا نعمله
وكنا مش فهمين حاجة ومتلخبطين ومتضايقين وحاجات كدة
المهم عاملناه وادناهلوه وقال ان احسن كومنتريو هياخد جايزة
وبعد حوالي شهر قلنا ان المحاضرة الجايه هيدينا الكومنتريو
فانا التفائل خدني وقلت لصحباتي احنا اللي هناخد الجايزة
قعدوا يقولولي ديه احلي نكته سمعنها واللي تقولي ديه كدبه ابريل
المهم
حدثت المفاجاة الكبري
واخدنا الجايييييييييييييييييييييييييييييييييييييييييزة
هيييييييييييييييييييييييييييييييييييييييييييييييييييييييييييييييييييييييييييييييييه
والبقيه تاتي
الخميس، 17 أبريل 2008
في حاجة في الجو
في حاجه غريبه في الجو اليومين دول انا بقيت حاسه ان الامراض النفسيه بقت معديه
في فيروس ماشي في الجو اليومين دول
اللي هو اسمه الاكتئاب
اه بجد بقا فيروس
اكيد مستغربين وبتقولوا البت ديه اكيد مجنونه
بس اعمل ايه هو ده التفسير الوحيد اللي طلعت بيه
بعد جرعة الاكتئاب المكثفة اللي كانت موجوده اليومين اللي فاتوا دول
انزل الجامعه كل ما اقابل حد القيه مكشر في ايه؟؟؟؟؟؟؟؟؟؟؟؟؟؟؟؟؟
معلش اصلي مكتئبه شويه اليومين دول
ادخل علي منتدي مشتركة فيه القي كل الناس مكتئيه
اكلم صحباتي برضوا كلهم مكتئبات
يبقا فيه ايييييييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد فيرس ماشي في الجو!!!!!!!!!!!!!!!!!!!!!
و دور وماشي علي الكل........
عندي اقتراح اننا نعمل حمله تتطعيم ضد الاكتئاب
زي الحملات بتاعة شلل الاطفال
وتنزل الحمله بقا تلف علي البيوت وطعمنا
ههههههههههههههههههههههههههههههههه
علي فكرة انا كمان جالي الدور
بس خت مسكن
الاثنين، 14 أبريل 2008
محطة المترو
فضفض وشخبط
شخابيط شخابيط
انا كان نفسي من زمان اشخبط او بمعني اصح افضفض نفسي اتكلم واخرج كل اللي جوايا
الفكرة جتلي النهاردة لما واحدة صحبتي خلتني اتكلم في موضوع انا من زمان نفسي افضفض فيه
بس كنت باخاف او باهرب
فقلت اعمل مدونه اتكلم فيها براحتي
واشخبط فيها براحتي
انا سمتها شخابيط علشان اطلع فيها كل اللي جوايا
وكل المواقف اللي باتعرضلها
كل حاجة واي حاجة
هاشخبط يعني
