محطة المترو

في يوم كنت انا وصحبتي مروحين من الجامعة ولسبب ما ركبنا عربيه الرجاله وعادي زي اي بنتين ماشين مع بعض قاعدنا نرغي ونزلنا في محطتنا وبما ان كل واحدة فينا هتروح في طريق مختلف وقفنا نسلم علي بعض ..................لحد دلوقتي عادي مفيش حاجة غريبه

لكن فاجاة قرب مننا واحد لابس بدله كدة وشكله كدة واحد محترم وجيه كلم صحبتي وبدا كلامه بالاعتذار

معلش انا اسف جدا!!!!!!!!!!!!!!!! وقال جمله بعد كدة انا مسمعتهاش؟؟؟؟؟؟؟؟؟؟؟؟؟؟؟؟؟

انا قلت بس دا واحد من اياهم....................................

هيقلنا انا فلوسي ضاعت وانا اسف والله وانا مش بشحت ولا باكدب ولو عايزين خدوا البطاقه وهبقا ارجعلكوا الفلوس .........وحاجات من ديه.

بس للاسف هو مقلش كدة خالص؟؟؟؟

وبما اني مسمعتش قلت لصحبتي:هو قال ايه؟؟؟؟؟؟؟؟؟!!!!!!!!!!!!!!!!!!

قعدت تضحك وقالتلي بقولي :الانسه مرتبطة؟؟؟؟؟؟؟؟؟؟؟؟؟؟؟؟؟

قلتلها: الانسه مين؟؟؟؟؟؟؟

قالت وهي لسه بتضحك:انتي!!!!!!!!!!!!

استغربت وقلتلها:مش هينفع اكلم حد في الشارع.

وسبتها هي تتصرف معاه

واول لما مشي قاعدنا نضحك لانه من وجهه نظرنا الموقف كوميدي جدا

اللي انا مستغرباله هو كان بيفكر ازاي وهو بيعمل كدة؟؟؟؟؟؟؟؟؟؟

لا اعتقد ان في واحدة محترمه ممكن توافق انها تتجوز بالطريقه ديه!!!!!!!!!

وازاي هو كان مستعد يقضي حياته مع واحدة لمجرد ان مظرها عجبه!!!!!!!!!!!!!!!!!!!!!!!!!!!!!!!!!!!!!!

ايه السطحيه ديه!!!!!!!!!!!!!!!!!!!!!!!!!!!!!!!!!!

والغريب اكتر اني كل ما احكي لحد يقولي عادي بتحصل كتير؟؟؟؟؟؟؟؟؟؟؟؟؟؟؟؟

مش قادره افهم بجد هي الناس جرلها ايه!!!!!!!!!!!!!!!!!!

وباما ان ديه مش اول مرة تحصلي استغرابي زاد؟؟؟؟؟؟؟؟

المرة الاولانيه كنت ماشيه في الشارع وواحدة وقفتني وكانت عايزة تخطبني لابنها

اللي خلاني اكتب الموضوع ده اول موضوع في البلوج اني اليومين دول بالاقي الناس ببتكلم عن الجوازكتير ؟؟؟؟؟؟؟؟؟؟؟؟؟؟؟؟

خلاص بقيت حاسه ان الموضوع ده مسيطر علي الناس

افتح النت الاقيهم بتكلموا عن الجواز

افتح التلفزيون برضوا نفس الموضوع

الجرنال

ده حتي الاسبوع اللي فات دكتور في الجامعة قعد يكلمنا عن الجواز.

مدام المشكله منتشرة كدة وكلنا عرفنها امال مش بتتحل ليه؟؟؟؟؟؟؟؟؟؟؟؟

الله اعلم